Presidenti i Serbisë, Aleksandar Vuçiq, i bëri thirrje Bashkimit Evropian që të ndikojë më fuqishëm te Prishtina për, siç tha, heqjen e taksës 100% mbi prodhimet e importuara nga Serbia.
Në një konferencë për media në Beograd, Vuçiq kërkoi nga Prishtina që të heqë taksën, duke thënë se është e rëndësishme që të vazhdojë dialogu për normalizimin e marrëdhënieve.
"E lus BE-në që kërkesat e saj ndaj palës shqiptare të jenë më të qarta dhe më specifike, jo sepse do t'iu gëzohesha atyre, por mendoj se e kemi shumë të rëndësishme të vazhdojmë të bisedojmë për serbët në Kosovë dhe për neve", tha Vuçiq, transmeton Radioa Evropa e Lirë.
Vuçiq tha se ka dëgjuar nga Prishtina se qëllim kryesor i taksës është t'i sjellë Serbisë dëm ekonomik dhe politik.
"Nuk mendoj se disa njerëz, që e konsiderojnë veten burrështetas, kanë qasje serioze derisa bëjnë politikë për t'i bërë dëm dikujt", tha Vuçiq.
Qeveria e Kosovës u ka vënë taksë 100% prodhimeve të importuara nga Serbia dhe Bosnja qysh në muajin nëntor.
Edhe
Sipas Vuçiqit, edhe SHBA si Serbia, nuk ka dialog pa heqjen e plotë të taksës
Ndonëse komuniteti ndërkombëtar ka kërkuar heqjen e taksës, kryeministri i Kosovës, Ramush Haradinaj, ka thënë se ajo nuk do të hiqet derisa Serbia ta njohë Kosovën.
Vuçiq e ka kushtëzuar vazhdimin e dialogut për normalizim marrëdhëniesh me Kosovën me heqjen e taksës.
-
Vuçiq: Kurti hoqi taksën një ditë para nisjes sime drejt Washingtonit
-
Vuçiq: Pas heqjes së taksës, është “çështje kohe” kur nga Serbia do të kërkohet njohja e Kosovës
-
Vuçiq: Pres që problemi i taksës të zgjidhet me formimin e Qeverisë së Kosovës
-
Vuçiq: Të hiqet taksa nga Kosova, duam negociata për zgjidhje kompromisi