Serbët në veri ankohen, qeveria insiston se është inskenim

E mërkura ishte ditë e zakonshme në veri të vendit por edhe me ankesa nga serbët e Mitrovicës Veriore.

Ata ankohen se nuk kanë miell, qumësht, sheqer dhe produkte të tjera ushqimore.

Mirëpo, pavarësisht paralajmërimeve për krizë humanitare, në shitore të ndryshme një krizë e tillë e proklamuar nuk është vërejtur, raporton KTV.

Por, sipas Qeverisë së Kosovës, në veri nuk ka mungesë të produkteve.

Ministri i Tregtisë, Endrit Shala, thotë se ky është plan i Serbisë, ngase sipas tij, inspektorët kanë vërejtur se në disa pika shitëse produktet janë larguar qëllimshëm.

Edhe Arbëri 1 j. më parë Fermerët “lajnë” me qumësht Ministrinë e Bujqësisë

Ndërkaq, kryeministri Ramuash Haradinaj ka reaguar sërish për këtë çështje, duke thënë se asnjë skenar mashtrues ose lajm i rremë nuk do të ndikojë që institucionet e Kosovës të heqin dorë nga misioni i tyre për zbatimin e ligjit.

Reagimi i Serbisë dhe serbëve në veri për të krijuar krizë humanitare vjen pas vendosjes së tarifës 100 për qind ndaj mallrave serbe.