Rugovasit protestojnë kundër laurës, Ministria thotë se është pozitive e 7 sosh do t’i vë nëpër Kosovë

Një laurë pritet të vendoset nga Ministria e Mjedisit, në rrugën që çon në Grykë të Rugovës.

Megjithatë, një pjesë e saj e nisur javën e kaluar është demoluar nga qytetarët, përfshirë materialin ndërtimor.

Pronari i kompanisë që po ndërton laurën, i ka thënë “Kohës Ditore” se dëmi i shkaktuar është 3 deri në 5 mijë euro dhe se rastin e ka paraqitur në Policinë e Kosovës, raporton KTV.

Përveç laurës, brenda muajit pritet të vendoset edhe taksa për gjithë vizitorët.

Por, këtë po e kundërshtojnë banorët e komunës së Pejës, madje ata këtë të hënë edhe kanë protestuar në qendër të qytetit për rreth 30 minuta.

Ata janë shprehur të vendosur për vazhdimin e protestave.

Në këtë protestë është përmendur edhe çështja e demarkacionit, si dhe planifikimi për ndërtimin e hidrocentraleve.

Edhe Arbëri 27 tet 2019 Ministri Matoshi insiston se laura do të vendosen në parqe nacionale, përfshirë edhe atë në Rugovë

Qytetarët kanë kërkuar edhe mbështetjen e kryetarit të komunës së Pejës, por aty nuk është parë asnjë zyrtar komunalë.

Ministri i Mjedisit, Fatmir Matoshi, ka thënë se laura është në të mirë të qytetarëve, si dhe ka bërë të ditur që do të vendosen gjithsej 7 të tilla brenda muajit në gjithë Kosovën.

Laura dhe një taksë e tillë tashmë ekziston në Qendrën e Skijimit në Brezovicë.