Rreth 30 mijë qytetarë të Kosovës s’po mund t’i marrin pensionet e kontributit në Evropë

Në Puls të KTV-së, është diskutuar për pensionet që qytetarët e Kosovës që kanë punuar në Evropë, nuk po mund t’i gëzojnë ato.

Zvicra ka shkëputur një anshëm marrëveshjen për pensionet e punëtorëve kontributdhënës nga Kosova.

Bahri Xhaferi, drejtor i Departamentit për Pensione në Ministrinë e Punës dhe Mirëqenies Sociale, ka treguar se janë më shumë se 30 mijë qytetarë të Kosovës, të cilët kanë kontribuuar në Evropë, e nuk e kanë realizuar të drejtën për t’i marrë pensionet kontributdhënëse.

Ai ka thënë se Ministria e Punës i ka kryer të gjitha kriteret dhe i është përgjigjur të gjitha pyetjeve që ka kërkuar shteti zviceran.

Ruzhdi Ibrahimi, ekspert i Diplomuar për Sigurime Shoqërore në Zvicër, ka thënë se ndër arsyet kryesore për mos vazhdimin e zbatimin të marrëveshjes me ish Jugosllavinë në raport me Kosovën kanë qenë pengesat të shumta në Kosovë për zbatimin e marrëveshjes në fjalë.

Sipas tij, për këtë fajtore janë edhe Zvicra edhe Kosova.

Edhe Arbëri 7 jan 2019 Sonte në “Puls” për realizimin e pensioneve të qytetarëve të Kosovës në shtetet e huaja

Por kështu nuk mendon Osman Osmani, sekretar nacional në sindikatën “Unia” Zvicër. Ai thotë se fajtor është shteti i Kosovës, që nuk ka krijuar kushte për të negociuar.

“Qeveria e Kosovës është dashtë me kërku që vendimi për pensionistet kontributdhënës të jetë retroaktiv. Këta nuk kanë kërkuar retroaktivitet, qe 8 vite qytetarët nuk i marrin këto pensione”, ka thënë ai.