Kryeministri i Shqipërisë, Edi Rama, i ka reaguar sekretarit të përgjithshëm të OKB-së, Antonio Guterres, pasi ai kishte shkruar Beograd – Prishtinë në Marrëveshjen për normalizim në vend se të shkruante Kosovë – Serbi.
Në deklaratën e lëshuar nga Guterresi ishte shkruar gabimisht emri i Marrëveshjes së arritur mes Kosovës dhe Serbisë.
Në vend së të shkruhej “Marrëveshja për rrugën e normalizimit të marrëdhënieve mes Serbisë e Kosovës” shkroi “Rruga për normalizim të marrëdhënieve mes Beogradit, Prishtinës”.
Rama ka kërkuar sqarim, duke pyetur nëse ishte lapsus apo gabim i qëllimshëm.
“Beograd – Prishtinë?! Një gabim serioz apo lapsus? Emri zyrtar i kësaj është ‘Marrëveshja për rrugën e normalizimit mes Kosovës dhe Serbisë’, dhe do të ishte e papranueshme nëse Sekretari i Përgjithshëm qëllimshëm nuk e përdor emrin si duhet. Ju lutem ofroni menjëherë sqarim”, ka reaguar Edi Rama në Twitter.
'Belgrade and Pristina'?! A serious mistake or a lapse? The official name of it is 'The Agreement on the Path to Normalization between Kosovo and Serbia', and it would be unacceptable if the SG did not use this proper name deliberately. Please provide clarification promptly. pic.twitter.com/n48UMyklS1
— Edi Rama (@ediramaal) March 21, 2023
