Rama e liron nga pozita në Komunë, Donjeta Dragusha punësohet në “Termokos”

Donjeta Dragusha është liruar nga pozita e drejtoreshës së Bujqësisë në Komunën e Prishtinës. Vendimin për të e ka marrë të hënën kryetari i Prishtinës, Përparim Rama. Derisa në vendim nuk përmenden arsyet e lirimit nga kjo pozitë, KOHA merr vesh se ajo është “rehatuar” në ngrohtoren e qytetit “Termokos”.

Punësimin e saj në këtë ndërmarrje publike komunale e ka konfirmuar kryeshefi ekzekutiv i saj, Fisnik Osmani.

“Ka qenë punësim i rregullt përmes konkursit dhe ajo është punësuar në Departamentin e Financave”, ka thënë Osmani.

Rama në të njëjtën ditë ka liruar pa arsye nga pozita edhe drejtorin e Kadastrës, Vigan Kastrati.