Kryetari i Listës Serbe, Goran Rakiq dhe drejtori i Zyrës për Kosovën në Qeverinë e Serbisë, Marko Gjuriq, do të udhëtojnë për në Moskë.
Ata pritet të takohen me një delegacion të lartë të partisë në pushtet, Rusia e Bashkuar, dhe mes të tjerash do të bisedojnë edhe për zgjedhjet lokale në Kosovë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Lista Serbe i është falënderuese mbështetjes që e merr nga Rusia e Bashkuar e Putinit”, ka thënë Rakiq para takimit të nesërm, theksohet në një njoftim të kësaj Liste, raporton Koha.net.
Ai ka shtuar se kolegëve rusë do t’ua përcjell falënderimet e serbëve të Kosovës për “gjithçka ka bërë Rusia dhe partia e presidentit Vladimir Putin deri më tani në skenën ndërkombëtare për çështjen e Kosovës dhe Metohisë”.
Rakiq ka theksuar se Lista Serbe pret që pas kontakteve në Moskë do të fitojë përkrahje të padyshimtë të Rusisë së Bashkuar për “vazhdimin e luftës për interesa të popullit dhe shtetit serb në Kosovë e Metohi, të cilën e ka pasur edhe para zgjedhjeve të fundit parlamentare në krahinë”.