Dy sindikata të punëtorëve të KOSTT-it kanë paralajmëruar një protestë për të premten, pasi që kanë thënë se nuk pajtohen më rritjen e përshkallëzuar prej 3 deri 15%, që ata kanë thënë se është aprovuar e u është kumtuar të mërkurën punëtorëve nga kryeshefi ekzekutiv.
Ata kanë thënë se kërkesat e tyre kanë qenë që rritja e pagave në vlerë prej 20% të bëhet vetëm për stafin jomenaxherial dhe në këtë mënyrë të zvogëlohet hendeku në mes të pagave në kompani.
“Rë dy sindikatat e KOSDTT-it, bashkë me punëtorët, kanë kërkuar rritje page prej 20%, vetëm për stafin jomenaxherial, krejt kjo për të zvogëluar hendekun e madh dhe të padrejtë të pagave në kompani, ndërmjet stafit jomenaxherial në njërën anë dhe stafit menaxherial dhe menaxhmentit të lartë në anën tjetër”, thuhet në njoftimin për protestë që u është përcjell punëtorëve.
Sipas tyre vendimi i aprovuar nga kryeshefi, për rritje të pagave e ka thelluar hendekun mes paga të stafit menaxherial dhe atij jomenaxherial.
Në njoftim thuhet se paga me e lartë në KOSTT është sa trefishi i pagës më të ultë.
Në njoftim thuhet se protesta do të mbahet të premten në orën 11:00 para ndërtesës kryesore të KOSTT-it.
-
Punëtorë të KOSTT-it kërkojnë rritje pagash, në të kundërtën paralajmërojnë greva
-
Protestojnë punëtorët e KOSTT-it, kërkojnë rritje të pagave
-
Punëtorët e KOSTT-it kërkojnë rritje të njëjtë të pagave për të gjithë – nga 20%, jo të përshkallëzuar
-
Punëtorët e KEK-ut të premten në protestë, kërkojnë rritje të pagave
-
Punëtorët e KEK-ut shpalosin “surprizën”, kërkojnë pagë mesatare 1,100 euro