Një delegacion prej tetë anëtarësh i Partisë Socialdemokrate (SPD) të Gjermanisë, i prirë nga deputetët e Bundestagut Gjerman, z. Josip Juratovic dhe z. Martin Rosemann, së bashku me drejtorin e Friedrich-Ebert-Stiftung (FES) në Prishtinë, Frank Hantke, janë pritur në takim në zyrat e Partisë Socialdemokrate (PSD) në Kosovë, nga kryetari Shpend Ahmeti, sekretarja organizative Aida Dërguti dhe Shefi i Grupit Parlamentar të PSD-së, Dardan Sejdiu, njofton kumtesa partiake, transmeton Koha.net.
Gjatë këtij takimi u diskutua mbi situatën politike në vendin tonë dhe me theks të veçantë rreth zhvillimeve të fundit, me ç’rast nga ana e PSD-së u shpalosën qëndrimet dhe u diskutua mbi hapat e mëtejmë të PSD-së. Lidhur me këtë, u nënvizua rëndësia që Kuvendi i Kosovës të marrë përgjegjësi kyçe mbi proceset e rëndësishme nëpër të cilat po kalon Kosova.
Fokus të veçantë pati edhe bashkëpunimi i PSD-së me SPD-në, për çfarë u shpreh vullnet i dyanshëm për partneritet dhe fuqizim të bashkëpunimit. Për këtë nga të dyja palët pati zotim për hapa konkret që mundësojnë rritjen dhe forcimin e këtij bashkëpunimi, fillimisht duke potencuar rëndësinë për takime më të shpeshta të kësaj natyre.
-
Kurti kërkon mbështetjen e Gjermanisë për anëtarësimin e Kosovës në KiE
-
Ambasadori gjerman reagon për dështimet e mbledhjeve të Kryesisë së Kuvendit
-
Deputetët gjermanë kërkojnë nga përgjegjësit në Kosovë që të garantojnë vazhdimësinë e funksionimit të qeverisë
-
Osmani pret mbështetjen gjermane për integrimet euroatlantike
-
PSD sot zgjedh kryetarin e ri, Ahmeti s’kandidon për asnjë post