Në një konferencë të jashtëzakonshme, asamblistët e PSD-së në Prishtinë, kanë kërkuar ndërprerjen e bashkëpunimit me Vetëvendosjen, të cilën e kanë akuzuar se përkundër që udhëheq me tri drejtori në ekzekutiv, ka sjellje armiqësore dhe opozitare në kuvend.
“Qytetarëve u interesojnë vetëm vendimet për të mirën e tyre, unë uroj që ta sqarojmë këtë çështje sa më shpejtë, të vazhdojmë me projektet që i kemi përpara. Mendoj se përfundimisht duhet të ndërpresim bashkëpunimin me Lëvizjen Vetëvendosje, kjo që ka ndodhë sot, ky nivel i shpifjes, është e patolerueshme”, ka thënë asamblisti i PSD-së Bashkim Beha.
