Ministria e Forcës ka dhënë mendimin pozitiv për shndërrimin e saj në Ushtri të Kosovës, raporton KTV.
Pasi kanë shqyrtuar projektligjin e marrë nga qeveria, ekspertët e Forcës kanë dhënë disa ide për modifikimin e këtij draft-ligji, i cili është kthyer mbrapa në mesditë te Qeveria e Kosovës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPor projektligji nuk ishte në rendin e ditës të mbledhjes së sotme të qeverisë. Sidoqoftë, ministri i FSK-së, Haki Demolli, tha se e kanë kryer obligimin e tyre ligjor. Demolli theksoi se ligji edhe mund të pësojë ndryshime në faza të tjera.
Ndërkaq, sa i përket koordinimit me NATO-në dhe SHBA-në, ministri beson se përgjigjet i di presidenti i vendit.
Qeveria po pret mendimin edhe të Ministrisë së Integrimeve nëse ligji është në përputhje me legjislacionin e BE-së si dhe mendimin e Ministrisë së Financave nëse Kosova ka mundësi ta mbështesë financiarisht këtë projektligj.