Prindërit kërkojnë heqjen e librave për fëmijët 5-vjeçar

“Merr një laps dhe mbush me vija shkronja B”.

Kjo u kërkohet 5-vjeçarëve në njërin prej 3 librave të klasës përgatitore, edhe pse me planin e punës askund nuk përmendet që fëmijët duhet të shkruajnë.

Sipas planit dhe programit mësimor për këtë nivel, fëmijët duhet të përqendrohen vetëm në të folur, në të dëgjuar, shprehur, komentuar e vizatuar.

Ndaj përmbajtjen e librave, si dhe përcaktimin që nxënësit e klasave përgatitore të mësojnë 10 lëndë të ndryshme prindërit i shohin si ngarkesë, raporton KOHA.

“Kjo paketë është e ngarkuar dhe edhe shkenca thotë që fëmijët duhet ta kenë mësimin të bazuar në lojë e edukimin dhe jo të klasës së parë sepse pastaj nuk po mbetet ndonjë risi”, ka thënë Genta Gagica-Binxhija.

Edhe Arbëri 19 tet 2020 Librat për parafillorët po konsiderohen ngarkesë për grupmoshën 5 deri në 6 vjeç

Ndërkaq edukatoret thonë se kjo formë e të mësuarit i përgatit nxënësit për klasat e tjera dhe aspak nuk i ngarkojnë.

“Është përgatitje për klasën e parë pro dalin më të përgatitur për klasën e parë dhe është e nevojshme. por kur të kryejnë klasën përgatitore janë më të përgatitur”, ka thënë Mirlinda Mornia, edukatore në sh.f.m.u “Hasan Prishtina”.

“Është temë mjaft e ndishme që është keqkuptuar mirëpo për klasën përgatitore nuk kemi rezultat që fëmijët të shkruajnë shkronja. ne njoftohemi luajmë lojë me tinguj por nuk e trajtojmë shkollën si koncept i veçante pasi edhe pjekuria e fëmijëve nuk ua lejon atë”, ka thënë Valona Gashi, edukatore në sh.f.m.u “Hasan Prishtina”.

Pakoja me 3 libra për nxënës ka edhe një fletushkë, ku në njërën prej faqeve të saj parashihet që nxënësi t’i shprehë mendimet për dosjen e vet në disa kuti për plotësim.

E pedagogia Hana Zylfiu Haziri pohon se në këto pako gjithçka është e ngarkuar.

“Kërkohet që fëmijët të shkruajnë shkronja në vija të kufizuara dhe muskujt e dorës nuk janë të zhvilluar. ..me këto libra të cilat po punojnë klasat parafillore po arrijmë që fëmijët ti qojmë 2 herë në klasë të parë dhe jemi duke e shkollarizu komplet edukimin parafillorë. ka lojëra të ndryshme që mund të arrihen me kurrikulë”, ka thënë ajo.

Edhe Arbëri 6 tet 2024 Kërkohet subvencionim edhe për nxënësit në nivel parafillor

Saranda Kumnova-Pozhegu, njëra prej autorëve të këtyre librave, ka deklaruar se pakoja është mbështetur në kurrikulën e re që ka nxjerrë Ministria e Arsimit.

E Ministria e Arsimit nuk ka kthyer përgjigje nëse do të shqyrtojë largimin e librave për nxënësit 5-vjeçar të klasave përgatitore.