Në ambientet e Komunës së Prishtinës, sot u bë prezantimi i projektit për ndërtimin e shkollave me PFI (Private Finance Initiative).
Kompanitë e interesuara u informuan për projektin në përgjithësi; për funksionimin e atyre shkollave; për termat e projektit dhe ndarjen e rreziqeve; për projektet konceptuale; për kërkesat e projektimit dhe ndërtimit; për shërbimet dhe kërkesat e mirëmbajtja; si dhe për fazat deri në realizimin e projektit.
Korporata Financiare Ndërkombëtare (IFC) është mandatuar nga Komuna e Prishtinës si këshilltari kryesor i transaksionit. IFC do të punojë në strukturimin e transaksionit me partneritet publiko-privat dhe do ta ndihmojë Komunën në ekzekutimin e një procesi të hapur, transparent dhe konkurrues të ofertimit për përzgjedhjen e investitorit privat.
Gjatë muajve nëntor dhe dhjetor 2018 do të bëhet promovimi dhe strukturimi i transaksionit, përderisa në janar 2019 do të hyhet në procesin e parakualifikimit. Fillimi i procedurave tenderuese do të bëhet në shkurt të vitit të ardhshëm, kurse nënshkrimi i kontratës me kompaninë fituese parashihet të bëhet në muajin maj 2019.
-
Prishtina pritet t’i ketë edhe 5 shkolla të reja
-
Kryeqytetit i shtohen katër shkolla të reja, njëra në “Arbëri”
-
Në Prishtinë për 5 vjet u ndërtua vetëm një shkollë, Komuna synon t’i nisë 4 përnjëherë
-
Sipas drejtorit të Arsimit, Prishtina është gati për fillimin e vitit të ri shkollor
-
6 kompani konkurrente për ndërtimin e parkingut nëntokësor në Prishtinë