Shtrirja e rrjetit të kanalizimit dhe atij të ujësjellësit ka qenë ndër premtimet kryesore të qeverisjes së Rasim Selmanajt me Deçanin.
Por, për kryetarin tashmë deputet në Parlamentin e Kosovës, këto projekte kanë përfunduar, raporton KTV.
Sipas Selmanajt në raportet e GAP-it nuk figurojnë gjysma e projekteve që janë realizuar.
Opozita në këtë qytet thotë që nuk është punuar siç duhet me asnjë projekt.
Por, edhe qytetarët ankohen pikërisht për rrjet të kanalizimit. Edhe qytetarët e Komunës së Junikut, e cila është formuar në fund të vitit 2008, nuk janë të kënaqur me qeverisjen e kryetarit nga radhët e AAK-së, Agron Kuqi.
Nga 24 premtimet, të cilat Kuqi i ka bërë gjatë fushatës zgjedhore, 10 prej tyre nuk kanë filluar ende. Përkundër konfirmimit, kryetari Agron Kuqi nuk është prononcuar për televizionin tonë.