Ish - emisari special i BE-së për Kosovën Wolfgang Petritsch në Deutsche Welle, në gjuhën serbe, ka thënë se “Kosova është shumë e ndarë dhe buzë shkatërrimit”, sidomos në krahasim me Serbinë e cila është zhvilluar si ekonomikisht ashtu dhe përgjithësisht, transmeton Koha.net.
“Prishtina përfundimisht duhet t’iu bëjë koncesione bashkësisë serbe në Kosovë. Marrëveshja për formimin e Asociacionit të Komunave serbe është nënshkruar para disa vjetësh. Duhet që kjo marrëveshje më në fund të zbatohet. Besoj se ky është detyrim i Prishtinës”, ka thënë Petritsch.
Në pyetjen për rolin e Tiranës në këtë mes, ai është përgjigjur se “kryeministri shqiptar është qartë i interesuar për gjetjen e zgjidhjes”.
“Ai (Edi Rama) ka marrëdhënie të shkëlqyeshme me Vuçiqin. Shqipëria nuk duhet ta mbajë vetëm anën e Kosovës. Sipas mendimit tim, do të ishte shumë e dobishme sikur Beogradi e Prishtina të arrinin marrëveshjen. Natyrisht jo pa konsultim me të tjerët. Shqipëria do të mund të luante rol të rëndësishëm”, ka thënë për dw Petritsch.
-
Sorensen për vizitën në Kosovës e Serbi: Pashë përkushtim për normalizim e marrëdhënie të mira fqinjësore
-
Costa: BE-ja s’mund t’ia kryejë detyrat e shtëpisë Kosovës
-
Costa: Kosovës i nevojiten institucione të forta dhe zbatim i dialogut për avancimin drejt BE-së
-
Vuçiq: Vetëm përmes dialogut mund të zgjidhen çështjet e hapura me Kosovën
-
Ish-zëdhënësi i NATO-s: Bashkëpunimi Kosovë-Shqipëri-Kroaci nuk e kërcënon Serbinë