Me maska mbrojtëse kanë kryer punën e tyre edhe policët e pikës kufitare në Han të Elezit, gjatë së shtunës.
Kjo është bërë pas marrjes së masave si rrjedhojë e përhapjes së koronavirusit që tashmë ka marrë përmasa globale.
Ndërsa, edhe përkundër vendosjes së kësaj karantine për kontrollime mjekësore emergjente, aty nuk u panë ekipe mjekësore të caktuara për kontrollime dhe intervenim emergjent.
Nga Policia e Kosovës kanë bërë të ditur për KTV-në se janë marrë të gjitha masat e nevojshme mbrojtëse për policë që shërbejnë nëpër zona kufitare.
Jozyrtarisht, televizioni ka mësuar se në këtë pikë kufitare janë ndaluar 14 persona të dyshuar për prekje nga virusi, mirëpo rezultatet e tyre kanë dalë negative.
Nga Qendra Mjekësore Emergjente në Han të Elezit kanë shpjeguar arsyet për mungesën e një ekipi mjekësor gjatë tërë kohës në këtë pikë kufitare.
Edhe
Përhapja e koronavirusit bëri që të shtohet niveli i sigurisë në pikat kufitare
Ndërsa kanë shtuar se për intervenime të tilla do të duhej të merreshin institucionet qendrore.
Gjatë së premtes, me kërkesë të Ministrisë së Shëndetësisë, Qeveria e Kosovës ka ndarë 400 mijë euro për t’u përgatitur për koronavirusin, të cilat do të shërbejnë për furnizimin e punonjësve shëndetësorë me masa mbrojtëse.
