Kryetari i Gjykatës Supreme, Enver Peci, ka marrë pjesë në ceremoninë e organizuar nga USAID, Programi për të Drejtat Pronësore, me rastin e përmbylljes së këtij programi, me ç’rast u prezantuan të arriturat e Kosovës, në këtë fushë, gjatë pesë viteve të fundit.
Sipas një njoftimi për medie, Peci ka potencuar faktin se për këto pesë vjet, përmes Programit të USAID-it për të Drejtat Pronësore, Kosova ka përfituar shumë në avancimin e të drejtave pronësore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas tij, falë realizimit të këtij projekti, Kosova dhe posaçërisht sistemi gjyqësor ka përfituar në kuptim të krijimit të sigurisë juridike dhe forcimit të sundimit të ligjit , si parakushte për zhvillim të mirëfilltë ekonomik për vendin.
“Duke marr parasysh sfidat e shumta, me të cilat, ne si shoqëri dhe si institucione, jemi ballafaquar në çështjet pronësore, konsideroj se Projekti USAID-it për të Drejtat Pronësore, ka luajtur rol kyç në adresimin dhe ndërmarrjen e aktiviteteve adekuate në përmbushjen e objektivave të tij”, është shprehur ai, transmeton Koha.net.
Sipas kreut të Supremes, përmes Programit për të Drejtat Pronësore, për vetëm 15 muaj angazhim të bashkëpunëtorëve profesional nga USAID-i në tri gjykata, koha mesatare e përfundimit të një lënde pronësore, ka rënë nga 1289 ditë në 920 ditë.