-
Nga:
Fitim Gashi
- 28 gusht 2019 09:01
- Shpërndaje në:
Pazari për postin e kryeministrit ka zbehur shanset për mundësinë e koalicionit parazgjedhor mes Lidhjes Demokratike dhe Lëvizjes Vetëvendosje. Pas entuziazmit fillestar, janë rikthyer kritikat e ndërsjella mes subjekteve që përbënin opozitën kryesore në legjislaturën e gjashtë.
Anëtari i Kryesisë së LVV-së, Xhelal Sveçla, e ka quajtur veprim tinëzar të LDK-së, nominimin e Vjosa Osmanit për kryeministre. Përmes një postimi në Facebook, Sfeçla ka thënë se Vetëvendosja bëri maksimumin, duke mos paragjykuar as emrin e kandidatit për kryeministër, në mënyrë që gjithçka të vendosej së bashku nga dy subjektet, shkruan sot “Koha Ditore”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas tij, kjo sjellje e LDK-së vazhdon qysh prej një viti, “me hezitim e mos sinqeritet përballë kërkesave transparente e publike të VV-së për bashkëpunim”.
“Dhe është pikërisht kjo tinëzari e LDK-së që e ka zvogëluar këtë subjekt 10% më pak në sondazhe brenda një viti, ndërkohë që ka rritur VV-në me të njëjtën margjinë. Tash mbetet të shpresojmë që të paktën e mbajnë fjalën për të shkuar në zgjedhje vetëm”, ka thënë ai.
Kjo deklaratë e Sveçlës erdhi ditën kur Këshilli i Përgjithshëm i LDK-së në mënyrë unanime përkrahi propozimin e Kryesisë që Vjosa Osmani të jetë mandatare e kësaj partie për kryeministre.
(Artikullin e plotë mund ta lexoni sot në “Koha Ditore”)