Ministrja e Arsimit, Arbërie Nagavci, ka njoftuar se pagesat për mësimdhënësit, koordinatorët dhe redaktorët-lektorët që kanë qenë të angazhuar në procesin e projektit e-Mësimi, do të realizohen para Vitit të Ri.
Nagavci bëri të ditur se në të njëjtën kohë do të kryhen edhe pagesat për vajzat dhe gratë përfituese të bursave STEM.
“Para Vitit të Ri do të realizohen pagesat për vajzat dhe gratë përfituese të bursave STEM, ashtu si dhe pagesat për mësimdhënësit, koordinatorët dhe redaktorët-lektorët që kanë qenë të angazhuar në procesin e projektit e-Mësimi, e të cilëve qeveria e kaluar nuk u kishte kryer obligimet për punët e realizuara sipas marrëveshjes”, ka shkruar ajo.
Tutje ministrja e Arsimit njoftoi se me mbështetjen shtesë nga Qeveria e Kosovës, me mbi milionë euro do të kryhen edhe pagesat për librat shkollorë.
“Kursejmë energjinë elektrike e vazhdojmë me punë”, përfundoi ajo.