Ministria e Punëve të Jashtme e Kosovës thotë se ka bërë të gjitha përgatitjet përfundimtare për punimet e Samitit të Frankofonisë, që do të mbahet nga data 8 deri më datën 12 tetor, në Erevan të Armenisë.
Kosova do të përfaqësohet në këtë Samit nga Ministri i Punëve të Jashtme, Behgjet Pacolli.
Sipas njoftimit, ky është rast i mirë për lobim dhe për sigurim të njohjeve të reja.
“Ky është një rast i mirë për Kosovën për lobim pasiqë takimet, që do t'i zhvillojë delegacioni i Kosovës, i udhëhequr nga kryediplomati Pacolli do shfrytëzohen për rritjen e numrit të njohjeve dhe sigurimin e mbështetjes për anëtarësimin e vendit në Organizatata Ndërkombëtare”, thuhet në njoftim të MPJ-së.
Tema e sivjetme e Samitit të XVII-të të Frankofonisë është “Bashkëjetesa në solidaritet, ndarje të vlerave humanitare dhe respekt për diversitetin: një burim paqeje dhe prosperiteti për komunitetin frankofon”.
-
Pacolli në Armeni, për ministerialin dhe Samitin e Frankofonisë
-
Pacolli në konferencën e ministrave të Frankofonisë bën thirrje për njohje të Kosovës
-
Pacolli në konferencën e ministrave të Organizatës Ndërkombëtare të Frankofonisë
-
“EBA mbështet anëtarësimin e Kosovës në Organizata Ndërkombëtare”
-
Pacolli: Kosova ngrihet në status në Organizatën ndërkombëtare e Frankofonisë