Oda e Mjekëve të Kosovës ka reaguar pas kanosjes së një mjeku të kardiologjisë në Prishtinë.
OMK ka thënë se sulmi ndaj mjekëve “është bërë pjesë e protokollit të sjelljes së shërbimmarrësve nëpër institucione shëndetësore”.
Sipas odës, sulmet ndaj stafit nuk po kanë të ndalur dhe se ata nuk janë të mbrojtur e pa kujdes të veçuar apo mbrojtje nga pacientët apo familjarët e pacientëve.
Oda thotë se po kërkon që sulmet ndaj mjekëve që lidhen me veprimtarinë e tyre profesionale “të trajtohen në kuptim të sanksionimit penal në kuadër të sulmit ndaj personit zyrtar”.
Ajo ka kërkuar veprim edhe nga Prokurori i Shtetit dhe nga gjykatat, si dhe autoriteteve të tjera.
Edhe
Lirohet në procedurë të rregullt burri që sulmoi ekipin mjekësor në QKMF-në e Obiliqit
“OMK kërkon nga institucionet shëndetësore, autoritetet kompetente të nivelit qendror dhe atij lokal, që të trajtojnë me seriozitetin më të madh sigurinë në vendin e punës, pasi që mundësia e ekspozimit ndaj kriminalitetit të dhunshëm ndaj mjekut është e madhe”, thuhet në njoftimin e odës.
-
Pacientët të shqetësuar për shkallën e korrupsionit, në Odën e Mjekëve thonë se s’mund të marrin masa
-
FSSHK-ja kërkon siguri për punëtorët shëndetësorë
-
Hetim preliminar në Kardiologji, dyshime për administrimin e listës së pritjeve
-
Sindikata e Punëtorëve Shëndetësorë të QKUK-së: T’u hiqet licenca infermiereve të përfshira në sulmin ndaj të moshuarës