Nisma e bindur se do t’i bëjë nënshkrimet për mocion, vendoset javën që vjen

Opozita tashmë e ka hartuar tekstin e mocionit të mosbesimit ndaj Qeverisë.

Megjithatë, ende nuk i kanë siguruar 40 nënshkrimet e nevojshme për të proceduar më tutje, raporton KTV.

Por, një gjë të tillë thonë se do ta bëjnë javën e ardhshme.

Në arsyetim të këtij mocioni, të hartuar nga Nisma për Kosovën, AAK-ja dhe Vetëvendosje, thuhet se Kosova tashmë një vit e gjysmë është në krizë politike dhe me institucione jofunksionale.

Zgjidhjen e situatës në vend, opozita e sheh përmes rrëzimit të Qeverisë për t’u hapur rrugë zgjedhjeve të parakohshme.

Shefja e grupit parlamentar të Nismës, Valdete Bajrami, ka thënë se janë duke i kërkuar nënshkrimet edhe të deputetëve të partive në pushtet.

Edhe Arbëri 24 pri 2017 Opozita synon ta rrëzojë Qeverinë me vota të PDK-së e LDK-së

Edhe subjektet e tjera opozitare “Vetëvendosje” dhe AAK-ja, kërkojnë që vendi të shkojë në zgjedhje të parakohshme.

Por, Qeveria e Kosovës ndihet rehat, sa i përket iniciativës së opozitës për mocion mosbesimi ndaj Qeverisë. Këshilltari i kryeministrit, Bajram Gecaj, thotë se rrëzimi i Qeverisë nuk do të ndodhë.

Ka disa javë që Nisma për Kosovën ka iniciuar mocionin e mosbesimit ndaj Qeverisë.