Të enjten do të përurohet Kompleksi memorial kushtuar martirëve të fshatit Korishë, i nisur qysh më 2011.
Për punimet në këtë kompleks ku janë të varrosur 88 martirë, ishin ndarë rreth 200 mijë euro nga buxheti i Komunës së Prizrenit, brenda një periudhe 5-vjeçare. Në vitin 2011, një kontratë prej mbi 145 mijë eurove ishte nënshkruar nga drejtoria e Kulturës së komunës.
KOHA pati raportuar për gjendjen e keqe në të cilën kishte mbetur ky kompleks prej vitesh. Kryetari i Prizrenit, Mytaher Haskuka, pati akuzuar qeverinë e kaluar se ka keqpërdorur paranë publike në projektin e memorialit.
Ndërkaq, nga komuna ishte thënë se ka pasur probleme pronësore e që për këtë arsye nuk kanë mundur të punojnë aty.
Gjysma e punimeve në kompleksin memorial në Korishë janë financuar nga vetë banorët.
-
Fshati Marec bëhet me kompleks memorial, katër vjet pasi nisën punimet
-
Gjysmë milioni euro – kostoja e shpëtimit të ish-Internatit në rrezik
-
Shteti ia jep 135 mijë euro OJQ-së për menaxhimin e kompleksit “Isa Boletini”
-
Këshilli për Trashëgimi Kulturore në Prizren në telashe me kompensim e kushte të punës
-
Zogaj ankohet për mungesë të buxhetit: Shumë artefakte kanë filluar të zhduken, disa kanë humbur