-
Nga:
Agim Ademi
- 22 prill 2020 21:35
- Shpërndaje në:
Stafi i Qendrës Integruese dhe Rehabilituese e të Sëmurëve Kronikë dhe Psikiatrikë në Shtime për çdo ditë po e kryejnë punën e tyre për t’iu shërbyer gjithsej 63 pacientëve në këtë qendër.
Ende pa u shënuar rastet e para me Covid-19 në Kosovë, ky institucion me mirëkuptim nga familjarët ka parandaluar vizitat e tyre me qëllim të mbrojtjes së pacientëve, raporton KOHA.
Drejtori i kësaj qendre Miftar Zenelaj ka thënë se vazhdimisht dezinfektohen të gjitha hapësirat e kësaj qendre, raporton KOHA.
Zenelaj ka bërë me dije se në javën e kaluar kanë pasur një rast të dyshuar me Covid 19, por ai ka rezultuar negativ.
Po ashtu për këta pacientë vazhdimisht kujdeset edhe psikologu i tyre.
Gjithashtu, për përgatitjen e ushqimit të tyre po zbatohen masa mbrojtëse e kujdes i veçantë.
Ky institucion mbështetje të vazhdueshme merr edhe nga Komuna e Shtimes.
Në këtë qendër prej fillimit të muajit shkurt askush nuk mund të futet brenda, përveç stafit të cilët janë të obliguar t’i përdorin rrobat e veçanta, maskat dhe dorëzat për parandalimin e përhapjes së virusit.
