Disa qytetarë kanë ndezur qirinj në mbrëmjen e së shtunës para Teatrit Kombëtar në Prishtinë, në kujtim të 25-vjetorit të masakrës së Srebrenicës.
“T’rinj për me kujtu, t’përkushtum mos me harru”, shkruhej në një pankartë të vendosur gjatë aksionit simbolik.
Ndezja e qirinjve dhe shfaqja e një ekspozite multimediale "Gjenocidi në tetë akte" është organizuar nga Fondi për të Drejtën Humanitare në bashkëpunime me Inciativën e të rinjve për të drejtat e njeriut, dhe Qendra Kulturore Informative e boshnjakëve në Kosovë.
