Në Prishtinë hapet ekspozitë me fotografitë e personaliteteve që ndihmuan Kosovën

Për nder të 12-vjetorit të Pavarësisë së Kosovës, shoqata “Miqtë e Amerikës” në bashkorganizim me Drejtorinë për Arsim të Komunës së Fushë Kosovës dhe gjimnazit "Hivzi Sulejmani", të kësaj komune, kanë organizuar një numër aktivitetesh, pran shtatores së ish-presidentit Amerikan, Bill Clinton në Prishtinë.

Përgatitjet filluan në orët e hershme të mëngjesit me larjen e platos të sheshit “Bill Clinton”, nga zjarrfikësit, duke vazhduar me vendosjen e flamujve, korin e grave “Negjmije Pagarusha”, hapjen e ekspozitës me fotografi me disa nga personalitetet që ndihmuan arritjen e Pavarësisë së Kosovës, dhe aktivitete të tjera që do vazhdojnë në pjesën tjetër të ditës./KosovaPress/