Ministria e Shëndetësisë ka njoftuar se në Klinikën Infektive të QKUK, sot më 31 mars 2020 janë të hospitalizuar 40 pacientë me Covid 19.
Sipas një njoftimi, theksohet se 34 të sëmurë janë në gjendje stabile ndërsa 6 prej tyre kanë nevojë për oksigjenoterapi dhe përkujdesje intensive.
MSH-ja thotë se sa i përket stafit të Klinikës Infektive, deri sot ka 3 infermiere të infektuara me Covid-19, prej të cilave dy janë të pranuara në klinikë për trajtim mjekësor, ndërsa njëra është e vet-izoluar në shtëpi.
“I gjithë stafi i Klinikës Infektive është i trajnuar për përdorim të masave mbrojtëse personale, mirëpo edhe përkundër kësaj, duke pasur parasysh natyrën e infeksionit Covid, asnjëherë nuk ka siguri një qind për qind”, përfundon njoftimi.
Artikuj të ngjashëm
-
Katër persona me COVID-19 me gjendje të rëndë në Infektivë
-
Vazhdon të rritet numri i të hospitalizuarve me COVID-19 në Infektive, sot 65
-
Në Infektive janë të shtrirë 58 pacientë me COVID-19, një në gjendje kritike
-
43 pacientë me COVID-19 të hospitalizuar në Infektive
-
Në Infektivë 23 raste me COVID-19, tre në gjendje kritike