-
Nga:
Dritë Slivova Polisi
- 21 maj 2019 23:22
- Shpërndaje në:
Gjuha amtare, Gjuha angleze dhe Matematika do të jenë lëndët kryesore ku maturantët, do të testohen në muajin Qershor.
Krahas këtyre 3 lëndëve, ata kanë mundësi ta zgjedhin vetë lëndën e katërt dhe t’u përgjigjen pyetjeve të saj, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKjo është risia që do ta karakterizojë këtë vit testin e maturës, për dallim prej viteve të kaluara kur nxënësit kanë pasur pyetje nga deri në 10 lëndë të ndryshme.
Fehmi Hysenaj, kryetar i Komisionit Shtetëror të Maturës ka thënë se vëzhgimi i testimit do të jetë rigoroz dhe askush nuk do të falet, nëse synohet të prishet rendi i maturës.
Meqë Gjykata Themelore e hodhi poshtë padinë e SBASHK-ut dhe i dha të drejtë vendimit të Ministrisë së Arsimit për kompensimin e orëve të humbura, maturantët do të jenë në mësim deri më 24 maj.
Por, sipas njohësve të çështjeve arsimore kjo periudhë e deri më 12 qershor, është kohë e shkurtër që nxënësit të përgatiten, andaj ka dyshime se testi do të ketë sukses.
Më 6 qershor do të hidhet shorti se në cilat regjione do të testohen maturantët.
Pjesa e parë e testit do të mbahet nga 12 deri më 19 qershor, rezultatet e të cilit do të dalin pas një jave.
Viteve të kaluara, MASHT-i ka pasur probleme me këtë organizim meqenëse pyetjet janë bërë publike vazhdimisht në rrjetet sociale.