Ministrja e Arsimit, Arbërie Nagavci, ka njoftuar se kanë përgatitur Udhëzimin Administrativ (UA) për këshilltarët për karrierë në Institucionet e arsimit profesional dhe se ky dokument do të jetë i hapur në Platformën e diskutimeve publike deri më 16 qershor, për të cilin palët e interesuar mund të dërgojnë komente.
Sipas Nagavcit këshilltarët për karrierë kanë rëndësi të madhe për sistemin arsimor.
“Ata do të kontribuojnë për t’i mësuar nxënësit për të ndërtuar vetëbesimin dhe për t’i fuqizuar ata, për të identifikuar shkathtësitë e tyre, lehtësuar punësimin dhe për t’i pajisur me shkathtësi që të lundrojnë suksesshëm në botën e punës”, ka shkruar Nagavci në Facebook, ku ka njoftuar edhe se e kanë publikuar në Platformën e diskutimeve publike këtë Udhëzim.
“Ky UA e rregullon pozitën, funksionin, rolin, mënyrën e financimit, monitorimin dhe vlerësimin e këshilltarëve për karrierë në institucionet e arsimit parauniversitar (SHMU, gjimnaze dhe AAP). Këshilltarët për karrierë janë pjesë e skemave organizative të shkollave të mesme të ulëta dhe shkollave të mesme të larta në kuadër të Këshillit Profesional sipas UA për menaxhimin e brendshëm të shkollave”, ka shkruar Nagavci.
-
Nagavci thotë se janë buxhetuar pagat për 500 asistentë për nxënësit me aftësi të kufizuara
-
Nagavci thotë se fokus e ka përmirësimin e kushteve në shkolla për fëmijët me aftësi të kufizuara
-
MASHTI paralajmëron testimin e mësimdhënësve për pagë më të lartë
-
Prezantohet legjislacioni për vlerësimin e mësimdhënësve, parashihen dy provime
-
Nagavci: Legjislacioni për licencimin e mësimdhënësve drejt finalizimit