Kryetari i Shoqatës së Naftëtarëve të Kosovës, Fadil Berjani shpreson që deputetët e Kuvendit të votojnë pro Ligjit për naftën.
Berjani në një intervistë për “Ekonomia Online” u shpreh i bindur se deputetët nuk do të hezitojnë t’i japin dritën jeshile një ligji kaq të rëndësishëm.
“Ligji i Naftës i naftës ka kaluar në lexim të parë, besoj që edhe në lexim të dytë do të kalojë sepse ky ligj nuk ka kaluar mbi një dekadë dhe i ka ardhur koha. Nuk ma merr mendja që nuk votohet ngase në lexim të parë ka kaluar”, tha Berjani.
Sa i përket çmimeve ai tha se ka zbritje të lehtë, ndonëse OPEK kishte paralajmëruar se ulje mund të kishte vetëm nga janari i vitit të ardhshëm.
Berjani thotë e Kosova është më e lira në rajon sa i përket çmimeve, përjashtuar Maqedoninë ku akciza është më e ulët.
“Sa i përket çmimit të naftës mund ta bëjë një konfirmim se ka një zbritje të lehtë, sipas organizatës OPEK u mendua që deri në janar nuk do të ketë zbritje të çmimeve, por çmimi veç se ka një rënie të lehtë. Ky është një lajm i mirë për qytetarët e Republikës tonë, edhe pse janë shërbyer me çmimet më të mira në regjion. Në Kosovës dizeli është më i lirë, përveç Maqedonisë se e ka akcizën më të lirë”.
Ndryshe Qeveria e Kosovës është zotuar se do të kthejë kontrollin e cilësisë së naftës tek Dogana e Kosovës ngase deri tani cilësinë e naftës e ka kontrolluar një kompani private.
Berjani kishte marrë premtim nga ministrja e Tregtisë dhe Industrisë, Rozeta Hajdari se Ligji për naftën do të kalojë brenda 100-ditëshit të kësaj Qeverie./EO
