Ministria e Jashtme pagoi më shumë se 14 mijë euro qira për një banesë në Bernë të Zvicrës, por as një nga diplomatët e saj nuk ka dashur të qëndrojë aty. Kjo sipas Auditorit të Përgjithshëm, është keqpërdorim i parasë publike.
14 mijë e 166 euro është shuma që Ambasada në Bernë kishte paguar për një banesë me qira, e cila deri me 30 shtator të 2015 ishte në shfrytëzimi të konsullit kosovar në këtë qytet, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoQiraja u pagua deri në shtator 2016 me qëllimin e vetëm për ruajtjen e saj për të emëruarit e rinj, por çuditërisht asnjëri nga ta nuk kishte pranuar të vendoset në të.
Tutje, kjo ambasadë dhe ajo në Romë kanë tejkaluar edhe limitin e caktuar për paratë e imta, duke shkelur Udhëzimin Administrativ, i cili për shpenzimet operacionale autorizon MDK-të të mbajnë para të imëta në vlerë deri në 500€, por të cilat duhet të raportohen në baza mujore.
Auditori thotë se ka vërejtur se këto Ambasada kishin mbushur arkën e parave të imëta deri në 2,400€ brenda muajit.
Por gjatë vitit 2016, misioni në Bernë kishte shpenzuar nga arka 23,013€, përderisa Ambasada në Romë kishte shpenzuar 11,208€.
Tejkalimi i këtyre limiteve paraqet pagesa të parregullta, të cilat e dëmtojnë buxhetin e Misioneve Diplomatike.
Auditori ka gjetur po ashtu vonesa në regjistrimin e shpenzimeve të bëra nga ambasadat të cilat pavarësisht që i kanë raportuar me kohë shpenzimet financiare, Ministria e Jashtme, regjistrimin e tyre në SIMFK e ka bërë me vonesë mbi 5 muajsh.
Rreziku i kësaj ndikon në nënvlerësim të shpenzimeve reale, po ashtu rrit rrezikun e mospërfshirjes së të gjitha shpenzimeve në raportet financiare.
300 mijë euro është vlera e një pagese që MPJ-ja i ka dhënë një përfituesi të subvencioneve, pa përgatitur një marrëveshje paraprake ku do të duhej të specifikoheshin kushtet e këtij subvencionimi.
Në një rast tjetër MPJ-ja përmes një marrëveshjeje bashkëpunimi kishte subvencionuar një grup gazetarësh në vlerë 2,070€, për qëllim të promovimit të sportit Kosovar nëpër Evropë .
Por pavarësisht që sipas marrëveshjes, përfituesi duhej të raportojë në MPJ lidhur me implementimin e projektit brenda periudhës tremujore, asnjëherë nuk dha dëshmi për zbatimin e tij.
Nga 19 rekomandime, që MPJ-ja mori vitin e kaluar, ka arritur të përmbushë vetëm tre, 8 nuk janë realizuar fare, ndërsa 8 të tjera janë në zbatim e sipër.