Instituti Hidrometeorologjik i Kosovës përmes një komunikate për media ka bërë të ditur se në dy ditët e ardhshme në Kosovë do të mbajë mot i vranët dhe me intervale me diell.
Gjithashtu IHMK-ja bën të ditur se do të ketë edhe ndotje të ajrit.
Temperaturat minimale do të lëvizin ndërmjet -2 deri -1 gradë Celsius, ndërsa maksimalet e ditës parashihen të lëvizin ndërmjet 5-9 gradë Celsius.
“Situata meteorologjike do të mbetet stabile. Presioni atmosferik dhe lagështia relative e ajrit do të pësojnë rritje dhe për shkak të kësaj gjendje stabile parashihet që grimcat e ndotësve të mbeten në stadin e parë të Troposferës, që nënkupton ndotje. Do të fryjë erë e lehtë nga drejtimi i verilindjes”, thuhet në komunikatë.
Artikuj të ngjashëm
