Deputeti i Partisë Socialdemokrate, Dardan Molliqaj, ka thënë se akuzat pa as edhe një fakt të vetëm që vijnë nga Hashim Thaçi e Kadri Veseli se kinse Vetëvendosja qëndron prapa organizatës ”Syri i Popullit”, janë të ulëta dhe të papranueshme.
“Për më shumë, janë shpifje që e thellojnë edhe më shumë përçarjen e spektrit politik në vend, pikërisht tash kur të gjithë duhet të jemi të bashkuar përballë Serbisë. Nuk na duhen shpifje të tilla por as viktimizim. Na duhet përbashkim e pjekuri politike. Vetëm kështu e dëshmojmë se sa e duam vendin tonë”, ka shkruar Molliqaj në Facebook.
Dje presidenti Hashim Thaçi në cilësinë e dëshmitarit në seancën gjyqësore ndaj “Syrit të Popullit”, ka implikuar liderin e Vetëvendosjes, Albin Kurtin dhe Glauk Konjufcën si udhëheqës të, siç ka thënë ai, ndërmarrje vrasëse.
“E kam dëgjuar me veshët e mi në seancën në Kuvend një herë Glaukun e pastaj Albinin se këta persona duhet me i vra, përndryshe nuk i heqim nga pushteti”, ka thënë Thaçi.
Thaçi është ankuar se ai dhe familja e tij janë lënduar që emri i tij ka qenë në listën për likuidim të grupit “Syri i popullit”
Kurti për “Syrin e Popullit”: Thaçi është në panik, nuk merrem me shpifjet e tij
-
Përplasja e Thaçit dhe Veselit me Kurtin e Konjufcën rreth “Syrit të Popullit” merr kahe tjetër
-
Kurti e Konjufca ftohen për intervistim pas kallëzimit penal ndaj Thaçit e Veselit lidhur me “Syrin e Popullit”
-
Prokuroria analizon dëshminë e Thaçit për deklaratën se “Syri i Popullit” u themelua nga Kurti e Konjufca
-
Në cilësinë e dëshmitarit Thaçi kërkoi dënimin maksimal për “Syrin e Popullit”, involvon Kurtin e Konjufcën
-
Thaçi implikon Kurtin dhe Konjufcën si udhëheqës të “Syrit të Popullit”