Mogherini në Beograd për zbatimin e marrëveshjeve Kosovë-Serbi

Mogherini, përfaqësuese e lartë për Politikë të Jashtme e Siguri të BE-së, do të vizitojë Beogradin, me synim që të nxisë zbatimin e marrëveshjeve midis Kosovës e Serbisë, të cilat me gjithë nënshkrimin e tyre nuk po zbatohen.

Kanë kaluar pesë vjet që nga nënshkrimi i marrëveshjes për themelimin e AKS-së, në Bruksel, theksojnë mediat e Beogradit, sipas të cilave pala serbe ndihet e pakënaqur me faktin se ende nuk është zbatuar në praktikë ajo marrëveshje.

Atëbotë për themelimin e AKS-së kanë vënë nënshkrimet Catherin Ashton, HashimThaçi e Ivica Daçiq, njoftojnë mediet serbe.

Pala serbe pretendon se nga ana e tyre është përmbushur e gjithë marrëveshja dhe akuzojnë palën kosovare për mospërmbushjen e marrëveshjes në fjalë.

Për këtë arsye, Lista Serbe ka paralajmëruar se do ta themelojë vetë AKS-në, duke vënë kushte edhe datën e themelimit të Asociacionit.

Theksohet se Kosova ka arritur të jetë pjesë e disa forumeve ndërkombëtare dhe një sërë çështjesh ka arritur të kryejë duke mundësuar shtrirjen e sovranitetit të plotë në tërë territorin e saj, etj, transmeton RTK.

Edhe Arbëri 18 pri 2018 Vuçiqi thotë se serbët s’do ta formojnë Asociacionin njëanshëm, “do të presim edhe tre muaj”

Lidhur me AKS-në, presidenti serb, Aleskandar Vuçiq deklaroi se ky Asociacion nuk do të formohet edhe për disa muaj, duke lënë të nënkupthet që pala shqiptare ta marrë përsipër ta themelojë vetë AKS-në.

Ndërkohë, Marko Gjuriq, nga ana tjetër, pretendon se pala serbe ka plotësuar të gjitha kriteret që i janë kërkuar asaj.

Ndërkaq në vigjilje të pesëvjetorit të nënshkrimit të marrëveshjes për themelimin e e AKS-së, Frederica Mogherini do ta vizitojë Beogradin, duke nënkuptuar se përveç themelimit të AKS-së, ekzistojnë edhe një varg çështjesh që Serbia duhet pasur parasysh, si: energjetika, liria e lëvizjes, Ura e Ibrit, njohja e diplomave, etj.