Përfaqësuesja e lartë e BE-së për Politikë të Jashtme dhe të Sigurisë, Federica Mogherini, ka raportuar para ministrave të jashtëm në Bruksel, për vizitën e saj në Ballkan.
Mogherini e ka vlerësuar si të tensionuar situatën në Ballkanin Perëndimor.
Ajo u tha gazetarëve në Bruksel, në prag të nisjes së takimit, se pret që të konfirmohet përkushtimi i BE-së për perspektivën e integrimeve evropiane të këtij rajoni.
“Situata është e tensionuar dhe kjo paraqet sfidë, si të brendshme ashtu edhe rajonale, por edhe globale. Edhe vetë rajoni ka kapacitete për t’u përballur me këtë nëse ruhet kredibiliteti i procesit të integrimeve evropiane”, ka thënë Mogherini.
Sa i përket Kosovës, vizita e Mogherinit nuk ka ndryshuar qëndrimet e palëve rreth marrëveshjes së demarkacionit me Malin e Zi.
Mogherini, në takimet e zhvilluara me drejtues të institucioneve dhe përfaqësues të partive opozitare, kishte thënë se demarkacioni është kriter i pakalueshëm dhe se pa përmbushjen e tij nuk do të ketë liberalizim të vizave.
-
Mogherini mblodhi në Bruksel liderët e rajonit, diskutuan për zhvillimet në Ballkan
-
Mogherini: Kemi një interes të qartë për ta sjellë Ballkanin Perëndimor në BE
-
Mogherini mbledh sot në Bruksel udhëheqësit e vendeve të Ballkanit Perëndimor
-
Mogherini fton në takim udhëheqësit e vendeve të Ballkanit Perëndimor
-
Mogherini: BE-ja në Ballkan po hyn në fazën e dytë