Ministria e Arsimit, Shkencës dhe Teknologjisë (MASHT) ia ka financuar një vizitë studimore në Zvicër, deputetes së Nismës Socialdemokrate, Albulena Balaj-Halimaj.
Sipas vendimit që e posedon gazeta, vizita është realizuar muaj më parë dhe ka zgjatur shtatë ditë. Vendimin për financimin e shpenzimeve të saj e ka nënshkruar sekretari i përgjithshëm i MASHT-it, Ekrem Kastrati, shkruan sot “Koha Ditore”.
Ministria e Arsimit udhëhiqet nga Shyqiri Bytyqi i partisë Nisma, derisa edhe vetë sekretari i Ministrisë është pjesë e kësaj partie. Deputetja Balaj-Halimaj së cilës i janë mbuluar shpenzimet për këtë vizitë është kushërirë e gruas së liderit të Nismës, Fatmir Limaj.
Këshilltari në MASHT, Valmir Gashi, ka thënë se në vizitë deputetja shkoi si përfaqësuese e Komisionit parlamentar për arsim. Mirëpo, një gjë të tillë e ka mohuar kryetari i këtij komisioni, Ismajl Kurteshi, sipas të cilit komisioni nuk ka qenë fare i njoftuar për vizitën... (më gjerësisht lexoni sot në “Koha Ditore”)
-
Nisma do ta mbështesë PDK-në në zgjedhjet e 7 qershorit
-
Bajrami: Jam ftuar në cilësinë e ish-ministres së Arsimit, e po më pyetni për atë të Financave
-
Djali i Fatmir Limajt i harxhon 30 mijë euro në udhëtime zyrtare
-
Kabineti i ministrit Shyqiri Bytyqi harxhoi 660 mijë euro
-
S’ndalet Bytyqi, politizon edhe bordin e Universitetit publik në Ferizaj