Që nga muaji maj, kur kanë nisur punimet për zgjerimin e segmentit rrugor në dalje të Prishtinës, në magjistralen që lidh Prishtinën me Gjilanin, ende nuk kanë përfunduar.
Projekti i Ministrisë së Infrastrukturës për asfaltimin e këtij segmenti ishte paraparë të përfundonte në afat prej 55 ditësh, raporton KTV.
Zëvendësministri Rexhep Kadriu, thotë se në implementimin e këtij projekti hasën në shumë vështirësi, por tash thekson se janë në fazën e fundit. Ai thotë se punimet pritet të kryhen brenda pak javësh.
Sipas tij, pavarësisht se patën vështirësi në komunikim mes KEDS-it dhe Ujësjellësit Rajonal Prishtina, këto dy të fundit janë në përfundim të infrastrukturës nëntokësore.
Megjithatë, janë qytetarët ata të cilët po kanë më së shumti vështirësi në qarkullim, nga kolonat dhe tollovitë që po shkaktohen nga zvarritja e punimeve.
Asfaltimi i segmentit në gjatësi prej 600 metrash i magjistrales Prishtinë- Gjilan i ka kushtuar Ministrisë së Infrastrukturës rreth 795 mijë euro.
-
Asfaltimi i 600 metrave në rrugën Prishtinë-Gjilan s’kryhet as pas 111 ditëve
-
Ekspertët thonë se projektet e neglizhuara me vite s’mund të përfundojnë për disa muaj
-
U nis që 17 vjet, rruga Prishtinë-Mitrovicë ka ende punë
-
Marrëveshja e tretë për financimin e rrugës së nisur në vitin 2009
-
Qeveria zotohet ta finalizojë rrugën Prishtinë-Mitrovicë brenda një viti