Në episodin e 69-të të podcastit PIKË me publicistin Veton Surroi, e ftuar është artistja Meli Qena.
Meli Qena tregon pse e zgjodhi teatrin e kukullave: Aty nuk kishte konkurrencë
Artistja Meli Qena ka treguar se zgjedhja e saj për t’iu përkushtuar teatrit të kukullave erdhi edhe nga dëshira për të punuar në një ambient ku nuk kishte konkurrencë të madhe.
Në një bashkëbisedim me publicistin Veton Surroi, në podcastin “PIKË”, Qena ka thënë se pikërisht në teatrin e kukullave e kishte gjetur veten, ndryshe nga degët e tjera të teatrit.
“Unë veç në teatrin e kukullave e kam gjetë veten. Më së pari, kurrë s’i kam dashtë vendet ku ka shumë tollovi, ku ka shumë... jo konkurrencë me thonë, po... hajde ta quajmë konkurrencë”, u shpreh ajo.
Qena tregoi se vendimin e saj e kishte lidhur edhe me një thënie të Indira Gandit, sipas së cilës në jetë ka njerëz që punojnë dhe të tjerë që i marrin meritat, prandaj ia vlen të zgjidhen vendet ku konkurrenca është më e vogël.
“Shko te ata që punojnë, se konkurrenca më e vogël është. Kështu që edhe unë shkova. E kurrkush te kukullat”, deklaroi Qena, duke shtuar se në këtë fushë nuk kishte fare konkurrencë.