Ministria e Punëve të Jashtme e Republikës së Kosovës në bashkëpunim me Zyrën e BE-së në Prishtinë, respektivisht Shërbimin e Veprimit të Jashtëm Evropian (EEAS) të BE-së, kanë mbajtur punëtorinë, ku është prezantuar pyetësori mbi vlerësimin e BE-së mbi kërcënimet hibride, bëhet e ditur përmes një komunikate për media, bëhet e ditur përmes një komunikate për media.
Ministria e Punëve të Jashtme e Republikës së Kosovës në këtë aktivitet është përfaqësuar nga zëvendësministri i jashtëm, Anton Berisha, ndërsa nga Shërbimi i Veprimit të Jashtëm Evropian (EEAS) të BE-së ka marrë pjesë, Gabor Iklody, drejtor i Menaxhimit të Krizave dhe i Drejtorisë së Planifikimit (CMPD).
Në cilësinë e nikoqirit të këtij takimi të rëndësishëm, zëvendësministri, Berisha, vlerësoi lart këtë vizitë dhe theksoi se gatishmëria e Republikës së Kosovës për realizimin kësaj punëtorie është shembull i bashkëpunimit me institucionet kompetente të BE-së.
Më pas, ai u zotua se MPJ, si autoritet kontakti i këtij projekti strategjik në koordinim me institucionet kompetente të vendit, do të jetë në nivel të përgjegjësive për të adresuar dhe finalizuar kërkesat e dala nga kjo punëtori.
Aktiviteti i përbashkët është mbajtur duke iu referuar kërkesës zyrtare të Zëvendëskryeministrit të Parë dhe Ministrit të Punëve të Jashtme të Republikës së Kosovës, Behgjet Pacolli, drejtuar Federica Mogherini, Përfaqësuese e Lartë e BE-së për Punë të Jashtme dhe Politika të Sigurisë.
-
Sveçla takon zyrtarin e BE-së, ngre shqetësime për trajnimin në Serbi të grupeve për realizim të sulmeve në Kosovë
-
BE-ja diskuton për situatën Kosovë-Serbi
-
Këshilli i Punëve të Jashtme i BE-së diskuton të hënën për situatën Kosovë-Serbi
-
Dialogu Kosovë-Serbi, temë e takimit në mbledhjen e ministrave të Jashtëm të BE-së
-
Komisioni Evropian premton mbështetje për Kosovën në punësim dhe drejtësi