Përshpejtimi i Ligjit të Përdorimit të Gjuhëve në Maqedoni dhe i hapave ligjorë të planit 3-6-9 që Kryeministri Zaev ka paraqitur në Bruksel, do të jenë parakusht për rrugën euro-atlantike të Maqedonisë.
Kjo gjë është theksuar gjatë takimit që ministri i Jashtëm Ditmir Bushati, ka zhvilluar me ministrin Përgjegjës për Investimet e Huaja të Maqedonisë, Ramiz Merko.
Të dy theksuan se përdorimi i Gjuhës Shqipe dhe arritja e barazisë ndëretnike janë shumë të rëndësishme për Maqedoninë. Dy ministrat u ndalën dhe tek bashkëpunimi ekonomik dhe shfrytëzimi i potencialit ekzistues mes dy vendeve.
Nxitja e projekteve infrastrukturore dhe energjetike, përforcimi i bashkëpunimit ndërkufitar, me impakt në aksin zhvillimor mes dy vendeve dhe ndërlidhjen e rajonit, mbeten përparësi dhe objektiv kryesor në mbledhjen e ardhshme mes dy qeverive që do të mbahet këtë vjeshtë në Pogradec.
-
Zaev thotë se Ligji për shqipen do të avancojë përdorimin e saj
-
Maqedonia e Veriut: Ligji për gjuhët sërish në shqyrtim
-
Cakaj takon Zaevin, Ligjin e gjuhëve e cilëson arritje historike
-
Ka nisur përdorimi i gjuhës shqipe nga Qeveria e Maqedonisë
-
Ligji për përdorimin e gjuhëve në Maqedoni shpërfaq përplasjet e para mes partnerëve