Kryetari i Komunës së Drenasit, Ramiz Lladrovci ka pritur në takim ambasadorin e Britanisë së Madhe, Ruairi O’Connell me të cilin ka diskutuar për mundësinë e realizimit të projekteve të përbashkëta.
Lladrovci ka njoftuar në përgjithësi ambasadorin O’Connel për Komunën e Drenasit, respektimin e ligjit, përmbushjen e kuotës gjinore në organet vendimmarrëse të komunës, projekte e rëndësishme për të mirën e qytetarëve dhe mundësitë që ofron Komuna për zhvillimin e bizneseve.
Ambasadori O’Connel ka falënderuar kryetarin Lladrovci dhe ka uruar për marrjen e mandatit.
“Ai ka përgëzuar kryetarin Lladrovci për zbatimin e ligjit, respektimin e kuotës gjinore”, thotë komuna në njoftimin për media, ndërsa thekson se është zotuar se do t’i shfrytëzojë mundësitë për bashkëpunim mes Ambasadës së Britanisë së Madhe dhe Komunës së Drenasit.
Ambasadori O’Connel dhe kryetari Lladrovci kanë vizituar edhe varrezat e dëshmorëve në Gllanasellë ku pushon trupi i Fehmi e Xhevë Lladrovcit dhe Qendrën për Promovimin e të Drejtave të Grave në Drenas.
-
Në Drenas u ndahen diploma vijuesve të seminarit të mbështetur nga Sllovenia
-
Situata politike në Kosovë e mbështetja e Britanisë, bisedë mes Mustafës e O’Connellit
-
Haradinaj takon ambasadorin O’Connell, flasin për zhvillimet e fundit në Kosovë
-
Lladrovci premton lehtësira për të bërit biznes në Drenas
-
Organizata gjermane ofron mbështetje për arsimin në Drenas