Fatmir Limaj edhe në ditën e tretë të fushatës elektorale nuk ka kursyer partitë tjera politike nga kunjat gjatë fjalimit të tij. Sipas tij Kosovës nuk i duhet një drejtues që ka dilema se në të kaluarën ka ndodhur gjenocid në Kosove.
“Nëse një drejtues i Kosovës këtë e vë në dyshim, çfarë mendonin se do të bëjë Serbia? Prandaj mos votoni njerëzit që vënë në pikëpyetje historinë e vendit tonë”, ka thënë ai.
Gjatë tubimit në Lipjan ku u prezantuan kandidatët për deputetë të kësaj ane dhe të Shtimës, Limaj shtoi se nuk duhet besuar ata që kanë problem me rreshtimin.
“Jo pak drejtues kanë problem me të kaluarën dhe rreshtin e duhur. Nuk kanë ditë me u gjend si duhet në situata të tillë ose janë gjend gabim dhe kjo është arsye e fortë që ata të mos na drejtojnë ne”, ka shtuar ai.
