-
Nga:
Ridvan Hamza
- 2 shkurt 2019 20:22
- Shpërndaje në:
Koeficient, fushatë e vota, kanë qenë ndër fjalët më të përmendura në seancën e Kuvendit të Kosovës.
Në shpejtësi, janë kaluar projektligjet për organizmin dhe funksionimin e Administratës Shtetërore dhe të Agjencive të Pavarura dhe ai për zyrtarët publikë, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoE me orë zgjati diskutimi për Projektligjin për pagat në sektorin publik, që në shqyrtimin e dytë, hyri me shumë paqartësi shkaku i presioneve nga shumë sektorë.
Një prej propozimeve të deputetes Albulena Haxhiu, ai që deputetëve të Kuvendit do t’ua ndalonte shtesat përveç pagës bazë, nuk e ka marrë mbështetjen e kolegëve të saj.
Një prej sektorëve që paralajmëroi pakënaqësi, ai i drejtësisë, përfitoi nga amendamenti 27, që u la në fuqi me propozimin e deputetit Memli Krasniqi, pavarësisht se kjo nuk u mirëprit nga bashkëpartiaku i tij, njëherësh kryetar i Komisionit për Administratë publike, Nait Hasani.
Diskutime të gjata ka pasur edhe për përcaktimin e një kufiri të pagës në ndërmarrjet publike, dhe në veçanti propozimi që nga kjo, të veçohen zyrtarët e Trustit Pensional.
Në rrezik për bllokimin e ligjit, paraqiti amendamenti i propozuar nga shefi i grupit parlamentar të PDK-së, Memli Krasniqi, që nga projektligji të hiqen pagat e punonjësve të transmetuesit publik, por i njëjti, nuk mori votat e mjaftueshme në tri tentime.
E përderisa kryetari i Kuvendit, Kadri Veseli, u ka përmendur disa herë fjalimet e fushatave zgjedhore, edhe vetë kërkoi votën për dy amendamente, të cilat sipas tij, ishin premtime.
Projektligji, është votuar me 63 vota për, asnjë kundër e 1 abstenim.
Kryeministri Ramush Haradinaj, e ka quajtur ditë historike miratimin e këtij ligji dhe ka thënë se 70 për qind e punëtorëve në sektorin publik do t’u rriten pagat.