Ministri në detyrë i Infrastrukturës dhe Transportit, Pal Lekaj, e ka mirëpritur lajmin për linjën e re Prishtinë-Beograd dhe anasjelltas nga kompania gjermane e fluturimeve Lufthansa.
Ai këtë e ka quajtur hap të rëndësishëm drejt normalizimit të hapësirës ajrore.
“Ky është një hap i rëndësishëm drejt normalizimit të hapësirës ajrore, kurorëzim i angazhimit maksimal të Ministrisë së Infrastrukturës dhe Transportit e Autoritetit të Aviacionit Civil, me mbështetje të madhe të Kryeministrit Ramush Haradinaj e Presidentit Hashim Thaçi”, ka thënë ai.
Ai gjithashtu ka shprehur mirënjohje për Shtetet e Bashkuara të Amerikës, që sipas tij, vazhdojnë t’i qëndrojnë përkrah Kosovës edhe në sferën e aviacionit civil.
“Mirënjohje e veçantë për Shtetet e Bashkuara të Amerikës që vazhdojnë t’i qëndrojnë përkrah vendit tonë edhe në sferën e aviacionit civil, posaçërisht ambasadorit të SHBA-së në Gjermani, njëherit i dërguar special për Kosovë e Serbi, Richard Grenell dhe Robert O’Brien, këshilltar për siguri kombëtare të presidentit të SHBA-së, Donald Trump”, ka thënë ai.
-
LDK-ja e quan pozitive linjën Prishtinë-Beograd, VV s’deklarohet, e Lekaj thotë se taksa s’duhet të hiqet
-
Rihapet linja ajrore Kosovë-Kroaci, fuqizon marrëdhëniet mes dy vendeve
-
NATO njofton hapjen e linjave të reja në hapësirën e ulët ajrore të Kosovës
-
Thaçi pas takimit me Grenellin: Do të lëvizim në marrëveshje të reja me Serbinë pas asaj të linjës ajrore
-
NATO po punon në hapjen e hapësirës së ulët ajrore të Kosovës