Emisari i BE-së për dialogun Kosovë – Serbi, Miroslav Lajçak, është takuar të martën me zëvendëskryeministrin e Kosovës, Besnik Bislimi.
Lajçak në një postim në Twitter ka thënë se me Bislimin kanë biseduar për rëndësinë e arritjes së një pajtimi për aneksin e implementimit të propozimit evropian, që do të garantonte që çdo gjë që është dakorduar në dialog të implementohet.
“Mezi pres vizitën time në Kosovë së shpejti për të diskutuar modalitetet e implementimit. Kam theksuar rëndësinë e dakordimit për aneksin e implementimit për të garantuar se çdo gjë që është dakorduar të zbatohet”, ka shkruar Lajçak në Twitter.
Followed up on yesterday’s Dialogue meeting with DPM @BislimiBesnik. Looking forward to my visit to Kosovo soon to discuss implementation modalities. Highlighted the importance of agreeing on the implementation annex to guarantee that everything agreed will be implemented. pic.twitter.com/z4t1MDHVhs
— Miroslav Lajčák (@MiroslavLajcak) February 28, 2023