Kryeministri i Kosovës, Albin Kurti, ka uruar Rishi Sunakun për zgjedhjen në krye të Qeverisë britanike.
Përmes një postimi në Twitter, Kurti ka thënë se si aleatë të vjetër, Kosova dhe Mbretëria e Bashkuar kanë parime dhe prioritete të përbashkëta.
“Mezi pres të punojë me kryeministrin Sunak për të forcuar më tej marrëdhëniet tona dypalëshe dhe për të promovuar vlerat tona të përbashkëta”, ka shtuar ai.
Congratulations to @RishiSunak on his appointment as Prime Minister of the United Kingdom. As longstanding allies, ?? & ?? have common principles & priorities. I look forward to working w/ PM Sunak to further strengthen our bilateral relations & promote our shared values.
— Albin Kurti (@albinkurti) October 25, 2022
Sunak ka fituar garën në Partinë Konservatore të Britanisë, duke u bërë kryeministër më 24 tetor.
Sunak, 42 vjeç, u bë i njohur për publikun britanik gjatë kohës së qeverisjes së Boris Johnsonit, i cili e emëroi atë në postin e ministrit të Financave, në kohën kur Britania regjistroi rastet e para me koronavirus.
Ai hyri në garë për të zëvendësuar Liz Trussin, e cila dha dorëheqje më 20 tetor, 44 ditë pasi u zgjodh në postin e kryeministres.