Prioritet yni do të jetë dialogu me serbët e Kosovës, kemi plan ekonomik e social për komunat veriore në Kosovë dhe nuk jemi kundër serbëve, por Serbia është kundër nesh.
Kështu i ka deklaruar gazetës së Beogradit “Danas”, kandidati i Vetëvendosjes, siç e cilëson kjo gazetë – më serioz për kryeministër të Kosovës, Albin Kurti, transmeton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDialogu i deritashëm që është zhvilluar me Serbinë në Bruksel nuk i ka vënë kurrfarë kushtesh Serbisë, ndërsa bisedohet për çështje brendshme të Kosovës, prandaj rrjedha e tij nuk ka pasur si të jetë i drejtë, konsideron Kurti.
Dialogu sikur krijon përshtypjen e normalizimit të marrëdhënieve, por në thelb vetëm sa i thellon ndasitë etnike, ka thënë ai, për të shtuar se kjo Lëvizje parimisht nuk është kundër dialogut, por është kundër dialogut që Kosovën e shndërron në temë, ndërsa Serbia përcakton agjendën.
Si qeveri e Kosovës me Brukselin do të nisim dialogun me vendet e tjera Të Ballkanit, përfshirë edhe Serbinë, pra dialog për dialogun me BE-në, është shprehur Kurti, transmeton Koha.net raportimin e medieve të Beogradit.
Kurti po ashtu konsideron se Serbia instrumentalizon serbët lokal përmes Listës Serbe, e cila deformon vullnetin e qytetarëve serbë.
Është e gabuar që serbët e shqiptarët t’i shohim vetëm për nga identiteti i tyre kombëtar, të gjithë ata kanë edhe rolet e tyre sociale dhe profesionet, të kaluara të ndryshme dhe ëndrra për ardhmërinë, ka sqaruar Kurti për “Danas” e Beogradit.