Kryeministri i Kosovës, Albin Kurti, së bashku me zëvendëskryeministrin e parë, Besnik Bislimi, kanë pritur në takim përfaqësuesin special të BE-së për dialogun Kosovë-Serbi, Miroslav Lajçak, të cilit i kanë thënë se Qeveria mbetet e përkushtuar për normalizimin e marrëdhënieve me Serbinë dhe për njohje reciproke.
Në këtë takim, sipas njoftimit të Kryeministrisë, u diskutua në lidhje me aspektet e ndërlidhura me zbatimin e plotë të Marrëveshjes Bazike të Brukselit dhe Aneksit Implementues të Ohrit, siguria ligjore përmes nënshkrimit të tyre, “por edhe për tema e çështje tjera si psh. respektimi i procedurave ligjore drejt zgjedhjeve të parakohshme në katër komunat në veri të vendit”.
“Qeveria e Republikës së Kosovës mbetet e përkushtuar për normalizim të plotë të marrëdhënieve me Serbinë dhe për njohje reciproke, përmes një procesi të dialogut të barabartë, të balancuar e të drejtë për palët”, thuhet në njoftim.
Pas takimit të përbashkët, pati edhe një takim ndërmjet Bislimit dhe Lajçakut.
Lajçak ka takuar edhe komandantin e KFOR-it, Ozkan Ulutas.
Në një komunikatë për media nga KFOR-i bëhet e ditur se në takim është diskutuar siguria në Kosovë.
Edhe
Kurti takon O’Brienin e Lajçakun: Marrëveshja Bazike dhe Aneksi duhet të zbatohen të plota
“Me përfaqësuesin Special të BE-së Miroslav Lajçak diskutuam përpjekjet e përbashkëta drejt sigurisë së qëndrueshme në Kosovë dhe stabilitetit rajonal. Misioni i KFOR-it i udhëhequr nga NATO vazhdon të ofrojë kornizën e sigurisë në mbështetje të dialogut të lehtësuar nga BE-ja ndërmjet Beogradit dhe Prishtinës, për të mirën e të gjitha komuniteteve”, ka thënë ai.
