Kurti në Suharekë për gjendjen e krijuar nga zjarret

Kryeministri Albin Kurti ka vizituar Suharekën për t’u njoftuar nga afër lidhur me gjendjen e krijuar në vatrat e zjarreve.

Ai është informuar nga zyrtarët e zjarrfikësve për gjendjen, të cilët thanë se aktualisht gjendja është stabile

“Për fat të mirë që s'ka njerëz, një objekt i vjetër është rrezikuar, është në dijeni edhe kryetari”, ka thënë zyrtari i zjarrfikësve.

Kurti ka deklaruar se tri ditët e ardhshme janë shumë të rëndësishme pasi pritet të ketë temperature të larta.