Kryeministri Albin Kurti derisa ka ndarë disa fotografi të Policisë së Kosovës duke shpërndarë pako ushqimore në Banjskë të Zveçanit për banorët serbë, ka falënderuar qytetarët për qetësi dhe maturi.
Nëpërmjet një postimi në platformën X, të njohur më parë si Twitter, Kurti ka thënë se policia është në shërbim të tyre.
“Krahas operacionit të tij anti-terror, Policia e Kosovës ka shpërndarë 100+ pako ushqimore në Banjskë për banorët shumicë serbë të Kosovës në këtë zonë, përveç adresimit të nevojave të tjera elementare. Falënderoj qytetarët tanë për qetësinë, maturinë dhe besimin e tyre. Policia është në shërbimin tuaj”, ka shkruar Kurti.
Rreth 100 pako ushqimore i ka shpërndarë Policia e Kosovës për qytetarët e fshatit Banjskë në Zveçan, ku dy ditë më parë pati sulme ndaj Policisë.
-
Kurti: Në Banjskë janë 30 persona të armatosur rëndë, u bëj thirrje të dorëzohen
-
Kurti thotë se të akuzuarit për Banjskën janë më afër Vuçiqit sesa mbrojtja e afërt
-
Kurti: Sulmi në Banjskë ka qenë agresion kundër sovranitetit shtetëror
-
Kurti thotë se aktakuza për Banjskën ka mundur të ngrihej më herët
-
Kurti shkon në veri, viziton Banjskën